Şənbə, 20 İyul

“Day-dayım var, sürürəm” deyən qadın saxlanıldı

image

Gəncədə “day-dayım var, sürürəm” deyərək idarə etdiyi 77-FB-782 qeydiyyat nişanlı “Chevrolet” markalı avtomobillə yol hərəkəti qaydalarını pozan xanım sürücü saxlanılıb.

Araşdırmalar zamanı məlum olub ki, xanımın “day-day” dediyi tanışı öz adına avtomobil icarəyə götürüb və ona bir neçə saatlıq sürməsi üçün verib. Həmin şəxsin də kimliyinin müəyyən edilərək məsuliyyətə cəlb olunması istiqamətində araşdımalar davam etdirilir.

Xəbər verilir ki, Daxili İşlər Nazirliyinin mətbuat xidmətinin Gəncə regional qrupunun baş inspektoru Eşqin Qasımov bildirib ki, keçirilən müvafiq tədbirlər nəticəsində avtomobili idarə edən şəxsin kimliyi müəyyən edilib: “Araşdırmalar zamanı şəxsin avtomobili sürücülük hüququ olmadan idarə etməsi müəyyən olunub. Şəxslə profilaktik söhbət aparılaraq barəsində inzibati protokol tərtib olunub”.

Xatırladaq ki, Gəncədə xanım sürücü idarə etdiyi avtomobillə kobud qayda pozaraq təhlükəli manevrlər edib, həmin anın videogörüntüsünü sosial şəbəkə hesabında paylaşıb.

Paylaşdığı videonun rəy bölməsində sürücülük hüququnun olmadığını və ona kiminsə “day-dayılıq” etdiyini bildirib.

Azadsoz.com

Paylaş:

Digər xəbərlər

Xəbər lenti

image

Rişi Sunak istefa verdi

  • 05.07.2024 - 14:15