Fransanın İl-de-Frans regionunda yüngül mühərrikli təyyarənin qəzaya uğraması nəticəsində üç nəfər ölüb.

Xəbər verilir ki, bu barədə BFMTV telekanalı məlumat yayıb.

Hadisə A4 magistral yolunun A104 şossesi ilə Kollejyendəki kommunanın qovşağında baş verib. Yüngül mühərrikli təyyarə yüksək gərginlikli elektrik xəttinə dəyib, avtomobil yoluna düşüb və alovlanıb. Qəza zamanı bütün sərnişinlər ölüb, ancaq təyyarənin yaxınlıqdakı avtomobillərə çırpılmaması səbəbindən əlavə insan tələfatı olmayıb.

Qəza səbəbindən yol hər iki tərəfə bağlanıb. Hadisənin araşdırılması Hava Nəqliyyatı Jandarm İdarəsinə həvalə edilib, təhqiqata Fransa Mülki Aviasiya Təhlükəsizliyi və İstintaq Bürosu da qoşulub.

Azadsoz.com