Erməni silahlıları Şuşanın bu kəndini tərk etdi
Erməni silahlıları Şuşanın bu kəndini tərk etdi
Rusiya sülhməramlı qüvvələrinin nəzarətində olan Azərbaycan ərazilərindəki qanunsuz erməni silahlı birləşmələrinin əsgərləri bir neçə gün əvvəl Şuşanın Sarıbaba kəndini tərk edib gediblər. Nəticədə kənd hazırda müdafiəsiz qalıb.
Xəbər verilir ki, bu haqda “kənd icmasının rəhbəri” Artak Akopyan bildirib.
“Kənd müdafiəsiz qalıb. Şaiyələrə əsasən əsgərlərimiz mövqelərindən ona görə çəkiliblər ki, azərbaycanlılar da 3 kilometr geri çəkilsin. Amma hələlik heç nə baş vermir. Müəyyən vaxt Rusiya sülhməramlıları kəndi müdafiə etmək üçün gəliblər, amma sonra onlar da gediblər və daha geri qayıtmayıblar".
Qeyd edək ki, kənd 1992-ci ildə işğal altına düşüb.
Azadsoz.com
