“Beşiktaş” 1/4 finala vəsiqə qazandı
“Beşiktaş” 1/4 finala vəsiqə qazandı
Bu gün Türkiyə Kubokunda 1/8 final mərhələsinə yekun vurulub.
Xəbər verilir ki, son oyun günündə iki qarşılaşma baş tutub.
“Beşiktaş” səfərdə “Antalyaspor”la üz-üzə gəlib. Qarşılaşma İstanbul nəhənginin 2:1 hesablı qələbəsi ilə yekunlaşıb.
Hesabı 30-cu dəqiqədə meydan sahiblərinin heyətində Zymer Bytyqi açıb. Cekson Muleka isə 71-ci və 88-ci dəqiqələrdə fərqlənərək, dubl edib.
Günün digər oyununda “Trabzonspor” səfərdə “Gənclərbirliyi”nə 2:1 hesabı ilə qalib gələrək adını növbəti tura yazdırıb.
Qeyd edək ki, daha əvvəl “Qalatasaray”, “Fatih Karagümrük”, “Ankaragücü”, “Konyaspor”, “İstanbul Başakşehir” və “Fənərbağça” komandaları adlarını 1/4 finala yazdırıblar.
Azadsoz.com