“Əl-Nəsr”in futbolçusu Kriştiano Ronaldonun qonşuları onun malikanəsinin tikintisindən narazıdılar.

Xəbər verilir ki, Portuqaliyada inşa edilən malikanə ölkənin ən bahalı evi sayılır və tikintisi yalnız gələn il başa çatacaq.

Villa Lissabondan təxminən 20 dəqiqəlik məsafədə, Kaşkayşda tikilir və 22 milyon dollara başa gəldiyi təxmin edilir.

Ancaq ulduz futbolçunun qonşuları bu tikintidən narazıdılar və şikayət edirlər. Onlardan biri “Marca”ya açıqlamasında vəziyyətdən yorulduqlarını bildirib: “Üç il tikinti işləri aparıldı. Ev o qədər böyükdür ki, xəstəxanaya oxşayır. Aylardır küçəmiz kəsilib, bağımız tozla dolub. Hamısı da bu villadakı tikinti ilə əlaqədardı. Evin tikintisi ən azı bir il davam edəcək. Biz artıq bezmişik”.

Azadsoz.com