Gürcüstanın həbsdə olan sabiq prezidenti Mixeil Saakaşvili ölkədə tez bir zamanda hakimiyyətin dəyişəcəyini proqnozlaşdırır. O, hökuməti müxalifətlə danışıqlar masasına oturmağa və hakimiyyəti dinc yolla ona ötürməyə dəvət edib.

Xəbər verilir ki, o, bu barədə məhkəmə iclasında bildirib.

Saakaşvilinin sözlərinə görə, heç kim xalqın iradəsinə müqavimət göstərə bilməz və hadisələr son dərəcə çətin ssenariyə görə çox sürətlə inkişaf edə bilər:

“İvanişvili (Bidzina İvanişvili hakim “Gürcü Arzusu” partiyasının qurucusu) hakimiyyətin sülh yolu ilə ötürülməsilə bağlı danışıqlar masasına oturmalıdır”.

Qeyd edək ki, Mixeil Saakaşvili 2021-ci il sentyabrın 29-da gizli şəkildə Gürcüstana gəlib. Oktyabrın 1-də o, Tbilisidə saxlanılıb, Rustavi şəhərindəki həbsxanaya yerləşdirilib. Noyabrın 8-də yaxınlarının və vəkillərinin razılığı olmadan Rustavi şəhərindəki həbsxanadan Tbilisidəki həbsxananın xəstəxanasına köçürülüb. Ötən il mayın 12-də Saakaşvili Tbilisidəki “Vivamed” mülki klinikasına yerləşdirilib.

Azadsoz.com