"WhatsApp", "Facebook", "Instagram" və "Threads"ın ana şirkəti olan Metanın baş direktoru Mark Zukerberq keçən il 35 milyard dollara düşən sərvətini 2023-cü ildə üç dəfə artırıb.

Xəbər verilir ki, sərvətini 116 milyard dollara yüksəldən Zukerberq yenidən dünyanın ən zəngin adamlarından biri olub.

"Bloomberg Billionaires Index"ə görə, Metanın səhmləri 2022-ci ildə 70 faizdən çox ucuzlaşıb. Bu azalmadan sonra Zukerberqin sərvəti keçən ilin əvvəlindən 125 milyard dollardan 35 milyard dollara düşüb.

Şirkətin səhmləri bahalaşdıqdan sonra Zukerberqin sərvəti 3 dəfədən çox artıb.
Meta səhmində artım davam edərsə, Zukerberq dörd milyarderi keçərək dünyanın altıncı ən varlı adamı olmağa hazırlaşır.

Azadsoz.com

• Teqlər:
• MarkZukerberq
• Facebook
• WhatsApp
• Bloomberg