Bundan bir neçə gün öncə Tex (DIğ) kəndi yaxınlığında baş verən silahlı qarşıdurmanın səbəbi orduda gücün olmamasıdır ki, bunu da dünən hakimiyyət orqanlarının özləri birbaşa və ya dolayısı ilə təsdiqləyiblər. 

Xəbər verilir ki, bu barədə “Hraparak” məlumat yayıb.

Erməni nəşri yazır ki, Milli Məclisdə keçirilən sual-cavab müzakirəsindən, eləcə də bəzi hakim “Vətəndaş Müqaviləsi” üzvlərinin müsahibələrindən məlum olub ki, Müdafiə Nazirliyi, xüsusən də Tex kəndinin erməni mövqelərindəki hərbçiləri başlı-başına buraxıb:

“Mövqelər qeyd olunmayıb, səngər yoxdur, amma oradakı mövqe mühafizəçiləri və komanda heyəti azərbaycanlılarla dil tapmağa borcludur.

Ötən gün məlum olub ki, orduya həqiqətən də atəş açmamaq əmri verilib. Qeyd edək ki, Müdafiə Nazirliyinin orada baş verənlərlə bağlı yaydığı videoda Azərbaycan pikapının yaxınlaşdığı, erməni əsgərlərinin isə atəş açmadığı görünür. 

Hakim kollegiyadan olan deputatlar Narek Qahramanyan və Armen Xaçatryan da dünən bunu təsdiqləyiblər. Onlar bunu Azərbaycan və Ermənistan komandirləri arasında mövqe məsələləri ilə bağlı danışıqlar aparılmalı olduğu üçün atəş açmamaları ilə izah ediblər. Yəqin ki, bu deputatlar hakimiyyətə haqq qazandırmağın yeganə yolunu belə tapıblar”. 

Azadsoz.com