ABŞ-dan Ukraynaya daha bir hərbi yardım: FANTASTİK RƏQƏM SİYAHI
ABŞ-dan Ukraynaya daha bir hərbi yardım: FANTASTİK RƏQƏM SİYAHI
Birləşmiş Ştatlar Ukraynaya əlavə 800 milyon dollarlıq hərbi yardım ayıracaq.
Xəbər verilir ki, Bunu ABŞ Prezidenti Cozef Bayden deyib.
Onun sözlərinə görə, təkcə bu həftə ABŞ-ın Ukraynaya yeni təhlükəsizlik yardımının ümumi məbləği 1 milyard dollara çatıb.
Bundan əlavə, ABŞ hakimiyyəti Ukraynaya əlavə silahlar, o cümlədən hava hücumundan müdafiə sistemləri, tank əleyhinə sistemlər, atıcı silahlar və döyüş sursatları ötürmək niyyətindədir.
Yardıma aşağıdakılar daxildir:
- 800 ədəd müxtəlif radiuslu HHM sistemi. (Bunlar Ukrayna hərbçilərinin istifadə etməyi bacardığı, Şərqi Avropa ölkələri ordularının sərəncamındakı sovet istehsalı olan S-300, “Buk”, “Kub”, “Strela” və s. sistemlər olacaq);
- 5 ədəd Mi-17 helikopteri;
- 100 ədəd “Switchblade-300” və “Switchblade-600” kamikadze dronları;
- 9 min ədəd antitank sistemi (Javelin, AT-4, M-72 LAW);
- 7 min ədəd atıcı silah (pulemyot, avtomat, snayper tüfəngi, tapança və bunlar üçün 20 milyon patron);
- 25 min ədəd zirehli gödəkçə, 25 min ədəd dəbilqə.
Bayden yaxın günlər və həftələrdə yardımların davam edəcəyini bildirib.
Azadsoz.com
