Məmmədyarov və Rəcəbov mövqelərini qorudular
Məmmədyarov və Rəcəbov mövqelərini qorudular
Beynəlxalq Şahmat Federasiyasının (FIDE) yeni reytinq siyahısının ilk onluğunda Azərbaycanın bir təmsilçisi yer alıb.
Xəbər verilir ki, Şəhriyar Məmmədyarov 2767 xalla 9-cu pillədəki yerini qoruyub.
Siyahıda Teymur Rəcəbovun da mövqeyi dəyişməyib. 2753 xalı olan qrossmeyster 14-cü sırada qərarlaşıb.
Əvəzində 1 pillə irəliləyən Qədir Hüseynov (2 661) 76-cı sıraya yüksəlib. Rauf Məmmədov isə 2 656 xalla 87-ci yerdə qalıb.
Norveçli dünya çempionu Maqnus Karlsen 2865 xalla yenə siyahıya başçılıq edir. 2804 xalı olan Fransa təmsilçisi Alireza Firuzca 2-ci, 2799 xala malik çinli Dinq Liren isə 3-cüdür.
Qadın şahmatçılardan Günay Məmmədzadə (2 470) 24-cü, Gülnar Məmmədova (2 387) 66-cı, Xanım Balacayeva isə (2 376) 80-ci pillədə yer alıb.
Azadsoz.com
