"ABŞ İranın pilotsuz uçan aparatları istehsal etməsinə əngəl olmaq üçün bütün vasitələrdən, o cümlədən ağır sanksiyalardan istifadə edəcək".

Xəbər verilir ki, bu barədə Birləşmiş Ştatların dövlət katibi Entoni Blinkenın bəyanatında deyilir.

Entoni Blinkenin sözlərinə görə, bunun üçün rəsmi Vaşinqton pilotsuz uçan aparatlarla bağlı texnoolgiya və materialların İrana ötürülməsinə yardımçı olan bütün şəbəkələri çökdürmək niyyətindədir.

ABŞ, həmçinin bu məqsədlə İranın PUA-laırn hazırlanması proqramının rəhbəri Səid Ağacanininin adının “qara siyahıya” salındığını bildirib. Bundan başqa, İranda müasir hava döyüş maşınlarının hazırlanması işində iştirak edən Yusif Əbutalebi, Abdulla Mehrabi, Məhəmməd Tehrani, habelə “Kimia Part Sivan Company” və “Oje Parvaz Mado Nafar Company” şirkətləri də beynəlxalq səviyyədə sanksiya tədbirlərinə məruz qalacaqlar.

Azadsoz.com