Kivi həm dəri, həm də saç üçün çox faydalı meyvədir. Tərkibində kalium, karbohidratlar, natrium, kalsium, dəmir mineralları, A vitamini, C vitamini, D vitamini, B12 vitamini və B6 vitamini var. Kivinin saç və dəri üçün faydaları saysız-hesabsızdır.

Qırışları azaldır

Kivi E vitamininin ən yaxşı qaynaqlarından biridir. Merilend Universiteti Tibb Mərkəzi bildirir ki, E vitamini qırışları azalda bilən vitaminlərdən biridir.

Dərini C vitamini ilə təmin edir

Kivi tərkibindəki yüksək miqdarda C vitamini ilə bədənin kollagen istehsalını artırır. Kollagen istehsalı dərinin elastikliyini itirməsinə səbəb olan qocalma əlamətləri ilə mübarizə aparır. Bundan əlavə, kivi tərkibindəki C vitamini ekstraktları sayəsində dərini nəinki sıxır, cavanlaşdırır, həm də zədələnmiş hüceyrələri bərpa edir. Kivi eyni miqdarda portağaldan daha çox C vitamini ehtiva edir. C vitamininin dəri üzərində başqa bir funksiyası dərinin qurumasının qarşısını almaq və dərini sərbəst radikalların yaratdığı zədələrdən qorumaqdır.

Yaşlanmanın qarşısını alır

Zamanı geri qaytarmaq mümkün deyil, ancaq qocalmanı gecikdirmək mümkündür. Kivi antioksidantla zəngin quruluşu ilə qocalmanı gecikdirən meyvələr arasındadır. Antioksidanların vəzifələrindən biri də bədəndəki sərbəst radikalları neytrallaşdırmaq və dərinin elastikliyini, möhkəmliyini və teksturasını qorumaqdır.

UV şüalarından qoruyur

Kivinin tərkibində bol amin turşusu var və bu xüsusiyyəti ilə kivi dərini günəşin zərərli şüalarından və günəşin vurduğu zərərlərdən qoruyur.

Sızanaqları aradan qaldırır

Kivi təbii antiinflamatuardır. Məsamələri təmizləyir və sızanaqlarla mübarizə aparır. Sızanaqlardan xilas olmaq üçün kivi maskası istifadə edə bilərsiniz.

Dəriyə parlaqlıq əlavə edir

Kivi müntəzəm istehlakı bədəndən toksinləri təmizləyir və sağlam və parlaq dəri əldə etməyə kömək edir.

Kivinin saç üçün faydaları

Saç tökülməsinin qarşısını alır

Kivi saç tökülməsinə qarşı mübarizə aparır və C və E vitamini ekstraktları ilə saçın sağlamlığını qoruyur. Bundan əlavə, kivinin tərkibində olan maqnezium, sink və fosfor kimi minerallar qan dövranını stimullaşdırır və saçların tez uzanmasına kömək edir.

Saçları nəmləndirir

Kivinin kiçik toxumlarında bol miqdarda omeqa 3 yağ turşuları var ki, bu da saçınızı nəmləndirir və qurumasının qarşısını alır.

Saçların vaxtından əvvəl ağarmasının qarşısını alır

Tərkibindəki mis minerallarla zəngin olan kivi saçların vaxtından əvvəl ağarmasının qarşısını alır və təbii rəngini qoruyur.

Saçda ekzemanın qarşısını alır

Kivi müntəzəm istehlakı qan damarlarını gücləndirərək baş dərisinin ekzeması və baş dərisinin iltihabı kimi saç problemlərinin qarşısını alır.

Azadsoz.com