İranda Məhsa Əminin ölümündən sonra başlayan nümayişlərlə bağlı paytaxt Tehranda minə yaxın ittihamnamənin hazırlandığı bildirilib.

Xəbər verilir ki, bu haqda İranın rəsmi xəbər agentliyi “İRNA” məlumat yayıb.

Məlumata görə, Tehranın baş hakimi Əli Əl-Kasi Mihr Ali Məhkəmənin iclasında mövzu ilə bağlı açıqlama verib.

“Son hadisələrdə dağıdıcı hərəkətlər törətmək, təhlükəsizlik qüvvələrinə hücum edərək yaralanma və ya ölümə səbəb olmaq, ictimai əmlakı yandırmaq kimi ağır cinayətlərlə bağlı minə yaxın ittihamnamə hazırlanıb”,- o qeyd edib.

Azadsoz.com