Sərkisyan Zəngəzurda: “Bu ərazilər Azərbaycana verildi”
Sərkisyan Zəngəzurda: “Bu ərazilər Azərbaycana verildi”
Ermənistan Prezidenti Armen Sərkisyan Zəngəzura gəlib.
Xəbər verilir ki, o, səfəri çərçivəsində Gorus, Sisyan, Xndzoresk, Artaşen və Karaxunj rayonlarının kəndlərinin rəhbərləri ilə görüşüb.
Görüşdə bölgədə müharibədən sonrakı vəziyyət, Azərbaycanla sərhədlərin müəyyənləşdirilməsi məsələləri müzakirə olunub.
Kəndlərin rəhbərləri Azərbaycanla sərhədlərin müəyyənləşdirilməsi ilə bağlı təhlükəsizlik məsələsini “prioritet problem” kimi təqdim ediblər. Onların sözlərinə görə, yerli sakinlərin əsas məşğuliyyəti maldarlıqdır, lakin sərhəd xətlərinin işarələnməsindən sonra bir çox otlaq və əkin torpaqları Azərbaycan ordusunun nəzarətinə verilib.
Onlar bunun əhalinin onsuz da çətin olan sosial-iqtisadi vəziyyətini daha da pisləşdirdiyini deyiblər.
Azadsoz.com