ABŞ hələ də Əfqanıstanla mübarizə aparır - Taliban
ABŞ hələ də Əfqanıstanla mübarizə aparır - Taliban
ABŞ Əfqanıstanda hərbi cəhətdən məğlub olub, lakin hələ də siyasət və iqtisadiyyatda mübarizə aparır.
Xəbər verilir ki, bunu Əfqanıstan müvəqqəti hökumətinin xarici işlər nazirinin müavini Şir Məhəmməd Abbas Stanikzey deyib.
“ABŞ 2001-ci ildə Əfqanıstanı gündüz işğal etdi və bu ölkədən qaçarkən gecə saat 00:00 idi.
Biz bütün ölkələrlə yaxşı əlaqələr qurmaq istəyirik. Lakin dünya və xüsusilə ABŞ Əfqanıstanda müstəqil hökumətin qurulmasını istəmir, ona görə də Taliban rəhbərliyinə güzəşt etmir”, - Stanikzey bildirib.
O, ABŞ-ın Əfqanıstanın ehtiyatlarını dondurmasını amansız davranış kimi qiymətləndirərək bunun ölkənin daxili işlərinə müdaxilə olduğunu bildirib.
Stanikzeyin sözlərinə görə, dünyanın Əfqanıstana humanitar yardımı kifayət qədər deyil və mövcud çətinliklərin bir faizini belə həll edə bilməz.
Azadsoz.com
