Bakıda sərnişin avtobusu piyadanı vuraraq öldürüb - YENİLƏNİB
Bakıda sərnişin avtobusu piyadanı vuraraq öldürüb - YENİLƏNİB
Bakı Nəqliyyat Agentliyi (BNA) Bakıda ölümlə nəticələnən yol-nəqliyyat hadisəsi ilə bağlı məlumat yayıb.
Agentliyin mətbuat xidmətinin rəhbəri Mais Ağayev sorğusuna cavab olaraq bildirib ki, “General-Avto-Company” firmasının müvəqqəti istismarında olan 169 nömrəli marşrut xətti üzrə hərəkət edən avtobusun iştirakı ilə yol-nəqliyyat hadisəsi baş verib:
“Avtobus piyadanı vurub. Hadisə ötən gün axşam saat 19:30 radələrində qeydə alınıb”.
11:32
Bakıda ölümlə nəticələnən yol-nəqliyyat hadisəsi baş verib.
Əldə etdiyimiz məlumata görə, hadisə oktyabrın 25-də axşam saatlarında Binə qəsəbəsi, “Badam bağları” yaşayış sahəsində qeydə alınıb.
Belə ki, 1976-cı il təvəllüdlü Müslüm Əhmədovun idarə etdiyi 169 nömrəli marşrut xətti üzrə “Daewoo” markalı sərnişin avtobusu yolu keçən piyadanı – 1985-ci il təvəllüdlü Zaur Ələkbərovu vurub. Nəticədə piyada aldığı xəsarətlərdən hadisə yerində ölüb.
Faktla bağlı Xəzər Rayon Polis İdarəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb, istintaq aparılır.
Azadsoz.com