Amerika hərbçiləri ən yaxın 24-36 saatda Əfqanıstanın paytaxtı Kabilin aeroportuna terrorçuların yeni hücum ehtimalının yüksək olduğunu güman edirlər.

Xəbər verilir ki, bu barədə ABŞ prezidenti Cozef Bayden bildirib.

"Vəziyyət fövqəladə dərəcədə təhlükəli olaraq qalır, aeroporta terror hücumları təhlükəsi əvvəlki kimi yüksəkdir. Bizim komandanlığımız mənə bildirdi ki, növbəti 24-36 saatda hücum ehtimalı olduqca yüksəkdir", - o deyib.

Onun sözlərinə görə, ABŞ İŞİD terror qruplaşmasına bir zərbə ilə kifayətlənməyəcək və Amerikanın 13 hərbçisinin həyatına son qoymuş partlayışda iştirak edənləri izləməyə davam edəcək.

Azadsoz.com

• Teqlər:
• Əfqanıstan
• ABŞ
• Taliban
• Bayden
• Kabil
• terror