Paşinyan hökuməti qadınları döyüş hissələrində xidmətə cəlb etmək niyyətindədir
Paşinyan hökuməti qadınları döyüş hissələrində xidmətə cəlb etmək niyyətindədir
Ermənistan hökuməti silahlı qüvvələrin yenidən formalaşdırılması çərçivəsində qadınları döyüş hissələrində xidmətə cəlb etmək niyyətindədir.
Xəbərə görə, bu barədə Baş nazir Nikol Paşinyan parlamentdə Nazirlər Kabinetinin yeni proqramının təqdimatı zamanı bildirib.
“Proqramımızda qadınların silahlı qüvvələrin döyüş hissələrinə daha geniş şəkildə cəlb edilməsi ilə bağlı bir bənd var. Qadınların iştirakı ilə bağlı tezisin ideoloji və ya anti-ideoloji əsası yoxdur, ancaq praqmatik hesablamalarla şərtlənir. Qadınlar Ermənistan əhalisinin əksəriyyətini təşkil edir. Hər hansı bir sahədə öz resurslarından yetərincə istifadə edilməməsi ölkəmizin inkişaf potensialını təhrif etmək deməkdir”, - deyə N. Paşinyan qeyd edib.
O vurğulayıb ki, qadınların silahlı qüvvələrdə xidmətə cəlb olunması qadınların orduda kişilərlə bərabər xidmət edəcəyi anlamına gəlməməlidir: “Burada söhbət potensialın maksimal dərəcədə istifadəsindən gedir. Bu potensialı açmaq lazımdır”.
Azadsoz.com
