Rusiya prezidenti Vladimir Putinin alman həftəliyi “Die Zeit” üçün yazdığı “Bütün olub-bitənlərə baxmayaraq, səmimi olmalıyıq” məqaləsində deyilirdi: “Rusiya hərtərəfli tərəfdaşlığın bərpası üçün çalışır. Bizim ümumi və aşkar hədəfimiz kontinental təhlükəsizliyi bölücü xətlər olmadan təmin etmək, Avropanın və bütün dünyanın çiçəklənməsi, ümumi inkişafımız naminə vahid bərabərhüquqlu əməkdaşlıq məkanı yaratmaqdır”.

Rusiya prezidenti məqaləsində qeyd edir ki, Moskva Brüssel ilə “düzgün və yaradıcı qarşılıqlı fəaliyyətə” hazırdır.

Maraqlıdır, Avropa Birliyi də buna hazırdırmı? Təəssüf ki, bu suala dəqiq cavab verən yoxdur. Almaniyalı deputat Sevim Dağdələn hesab edir ki, Almaniya NATO ilə birlikdə açıq-aşkar Rusiyaya qarşı müharibəyə hazırlıq aparır.
Bu fikrin arxasında nə dayandığı və Almaniya-Rusiya münasibətlərinin gələcəyinin necə olacağı ilə bağlı məsələləri rusiyalı hərbi ekspert Aleksey Xlopotov versiyasının redaktoru Seymur​ Məmmədova müsahibəsində şərh edib.

Onun sözlərinə görə, Almaniyanın Rusiyaya müharibə elan etməsi birmənalı olaraq Rusiya-NATO savaşı anlamına gəlir. Ekspert əmindir ki, ABŞ bu konfliktə tərəddüdsüz müdaxilə edəcək və son nəticədə nüvə silahları işə düşəcək.

Azadsoz.com

• Teqlər:
• Rusiya
• Ukrayna
• NATO