“Rusiya və Türkiyə liderləri Vladimir Putin və Rəcəb Tayyib Ərdoğan arasında təmaslar yaxın gələcəkdə baş tutacaq”.

Xəbər verilir ki, bunu Kremlin sözçüsü Dmitri Peskov bildirib. O, görüşün dəqiq tarixini açıqlamaq istəməyib.

“Ümumiyyətlə, yüksək səviyyəli təmaslar hazırlanır. Onların tarixləri hələ dəqiq məlum deyil, lakin belə bir anlayış var ki, bu təmaslar yaxın gələcəkdə baş tutacaq”, - Peskov qeyd edib.

Kreml sözçüsü Türkiyədən Rusiyaya pul köçürmələrinin ciddi çətinliklərlə üzləşdiyi barədə məlumatı da təsdiqləyib.

“Müəyyən problemlər həqiqətən mövcuddur və onların səbəbinin nə olduğu göz qabağındadır. Bu, həm türk, həm də rus iş adamlarının maraqlarına ciddi ziyan vurur”, - Kreml sözçüsü bildirib.

Azadsoz.com