Polis fransız iş adamı və aktyor Alen Delonun malikanəsində arsenal tapıb.

Xəbər verilir ki, jandarmlar 72 odlu silah və üç min patron ələ keçirib. Müəyyən edilib ki, mülkdə atıcılıq poliqonu quraşdırılıb. İlkin məlumatlara görə, aktyorun silah saxlamağa icazəsi olmayıb.

“Le Parisien” qəzeti yazır ki, mülkün axtarışı Delon ailəsindəki münaqişə və onun səhhəti ilə bağlı narahatlıqlara görə növbəti təhqiqata başlandıqdan sonra aparılıb.  

Yanvar ayında 88 yaşlı aktyor məhkəmə nəzarəti altına alınıb və bir sıra hüquqlar, o cümlədən əmlak üzərində sərəncam vermək hüququ məhdudlaşdırılıb.

Faktla bağlı araşdırma aparılır.

Azadsoz.com