KİV-də yayılan məlumata görə, Rusiyanın Belqorod vilayətində qəzaya uğrayan hərbi-nəqliyyat təyyarəsinin göyərtəsində 74 nəfər olub və onların hamısı ölüb.

***13.59

İl-76 hərbi-nəqliyyat təyyarəsi Belqorod vilayətində qəzaya uğrayıb.

Xəbər verilir ki, bu barədə Rusiya Müdafiə Nazirliyi məlumat yayıb.

Bildirilib ki, təyyarədə Ukrayna Silahlı Qüvvələrinin əsir götürülmüş 65 hərbi qulluqçusu, 6 ekipaj üzvü və 3 müşayiətçi olub.

“Bu gün Moskva vaxtı ilə saat 11:00 radələrində İl-76 təyyarəsi Belqorod vilayətində planlaşdırılmış uçuş zamanı qəzaya uğrayıb. Göyərtəsində olan 6 ekipaj üzvü və onu müşayiət edən 3 şəxs Ukrayna Silahlı Qüvvələrinin əsir götürülmüş 65 hərbi qulluqçusu mübadilə üçün Belqorod vilayətinə aparırmış”, - deyə hərbi idarədən bildiriblər.

Məlumata görə, əraziyə hərbi-kosmik xidmətin komissiyası cəlb olunub.

Azadsoz.com

• Teqlər:
• Ukrayna
• Azarov
• Rusiya