“Hazırda Qarabağda baş verən proseslərlə bağlı informasiya çirkliliyi müşahidə edilir. Qərb mediasında da manipulyasiyalara yer verilir. Proseslərin aydın və obyektiv çatdırılması baxımından medianın üzərinə böyük iş düşür”.

Bu fikirləri Bakı Dövlət Universitetinin Jurnalistika fakültəsinin dekanı Vüqar Zifəroğlu deyib.

O bildirib ki, bölgədə olan yerli jurnalistlər baş verənləri beynəlxalq ictimaiyyətə obyektiv şəkildə çatdırırlar:

“Diplomatik korpusun səfəri xüsusilə əhəmiyyətlidir. Bu gün səhər saatlarından ermənilər şərti sərhəd bölgəsində gərginlik yaradırlar. Xüsusilə, sosial mediada paylaşım edərkən diqqətli olmaq lazımdır. Ermənilər istənilən qeyri-rəsmi informasiya əsaslı paylaşımla manipulyasiya edərək onu fərqli formada çatdırırlar və bizə qarşı təbliğatda istifadə edirlər. Sosial məsuliyyət hissini unutmamaq lazımdır”.

Azadsoz.com