Zərdab rayonunda 12 yaşlı uşaq su kanalında batıb.

Xəbər verilir ki, hadisə rayonun Gəlmə kəndi ərazisindən keçən su kanalında qeydə alınıb.

Belə ki, 12 yaşlı Eyvazov Nihat Rafael oğlu dayısı ilə həmin kanala çimməyə gedib. Çimərkən suda boğulan Nihatı dayısı xilas etməyə çalışsa da, buna nail ola bilməyib və uşaq anidən batıb.

Nihat Eyvazovun tapılması məqsədilə əraziyə FHN-in Sularda Xilasetmə Dəstəsinin Dalğıc Qrupu çağırılıb. Uşağın meyiti tapılaraq aidiyyəti üzrə təhvil verilib.
Fakt araşdırılır.

Azadsoz.com