Dəhşət: Ayı qadını və azyaşlı oğlunu öldürdü
Dəhşət: Ayı qadını və azyaşlı oğlunu öldürdü
Qütb ayısı Alyaskanın qərbində ucqar yaşayış məntəqəsinin sakinlərinə hücum edərək iki nəfəri öldürüb.
Xəbər verilir ki, Alyaska ştatının əsgərləri hücum barədə məlumatı yerli vaxtla saat 14:30-da Sevard yarımadasının qərb ucunda yerləşən Uells şəhərindən aldığını bildiriblər.
“İlkin hesabatlar göstərir ki, qütb ayısı onları ərazidə təqib edib. Ayı yetkin qadına və azyaşlı oğlana hücum edərək onları öldürüb”, - məlumatda deyilir.
Ayının qadın və oğlana hücumu zamanı yerli sakin tərəfindən vurularaq öldürüldüyü bildirilir.
Ölən iki şəxsin adı açıqlanmır.
Qeyd edək ki, Uels təxminən 150 nəfərdən ibarət eskimoların yaşadığı kiçik bir qəsəbədir. Qəsəbə Nome şəhərindən 160 km şimal-qərbdə yerləşir.
Xatırladaq ki, Alyaskanın yaxın tarixində ölümcül qütb ayılarının hücumları nadir hallarda baş verib. Belə ki, 1990-cı ildə Uelsin şimalında yerləşən Point Ley kəndində bir adam qütb ayısı tərəfindən öldürülmüşdü. Bioloqlar daha sonra heyvanda aclıq əlamətlərinin olduğunu bildirmişdilər.
Bununla belə, 2019-cu ildə Alyaskanı tədqiq edən ABŞ Geoloji Xidmətinin alimləri aşkar ediblər ki, dəniz buzunun əriməsi və təbii yaşayış mühitindəki dəyişikliklərlə yanaşı, qütb ayılarının qurudan daha çox istifadə etdiyinə dair sübutlar var ki, bu da onlarla qarşılaşma ehtimalını artırır.
Azadsoz.com
