"Maxar Technologies" şirkəti Rusiya və Ukrayna arasında şiddətli döyüşlərin getdiyi Soledar şəhərinin peyk görüntülərini dərc edib.

Məlumata görə, şirkət peyk görüntülərini tviter hesabında yayımlayıb.

Paylaşımda iki şəkil dərc edilib. Qeyd edilib ki, birinci foto 2022-ci ilin avqust ayında, ikincisi isə 2023-cü ilin 10 yanvarında çəkilib.

Görüntülərdə dağıdılmış evlər, məktəblər və binalar əks olunub.

 Digər bir paylaşımda isə tamamilə dağıdılmış yaşayış binaları əks olunub.

Xatırladaq ki, Rusiya ilə Ukrayna arasında genişmiqyaslı müharibə 2022-ci il fevral ayının 24-də başlayıb.

Azadsoz.com