“Putin Qərbi öz qaydaları ilə oynamağa məcbur edib”.

Xəbər verilir ki, bu barədə “Washington Examiner” nəşrində dərc edilən məqalədə bildirilir.

“Rusiya prezidenti Vladimir Putin Qara dəniz limanlarından taxıl ixracına və Avropaya qaz nəqlinə nəzarət etməklə Qərbi sözün əsl mənasında Moskvanın qaydaları ilə oynamağa məcbur edir” – deyə müəllif vurğulayır.

Müəllif Tom Roqanın sözlərinə görə, Rusiya dövlətinin başçısı “təzyiq nöqtələri” kimi Ukraynadan taxıl ixracına və Avropaya “mavi yanacağın” tədarükünə nəzarəti seçib:

“Rusiya kağız üzərində güzəştə getsə belə, taxıl ehtiyatlarını daim risk altında saxlayacaq”.

Roqan enerji bazarında da eyni vəziyyətin yaşandığını qeyd edib. Məqalədə deyilir ki, Avropa dövlətləri tükənən ehtiyatlar və artan qaz qiymətləri ilə mübarizə apardıqca böhran böyüyür.

Nəşrin analitikləri izah ediblər ki, enerji qiymətlərinin dəyişməsi istənilən Qərb liderinin siyasi karyerasına zərbə vurmaq qabiliyyətinə malikdir.

Azadsoz.com