Kanslerdən Ukrayna bəyanatı: “NATO münaqişə tərəfi olmayacaq”
Kanslerdən Ukrayna bəyanatı: “NATO münaqişə tərəfi olmayacaq”
Almaniya kansleri Olaf Şolts ölkənin milli sosializmdən qurtuluş günü münasibəti ilə vətəndaşlara müraciət edərək bildirib ki, Berlin NATO-nu Ukrayna və Rusiya arasındakı münaqişənin iştirakçısına çevirəcək heç bir qərar verməyəcək. O qeyd edib ki, İkinci Dünya Müharibəsində ruslar və ukraynalılar birlikdə nasist rejiminə qarşı çıxıblar.
“Almaniya o zaman hər iki xalqa, həm ruslara, həm də ukraynalılara qarşı cinayət törətdi. Biz onilliklərdir ki, hər ikisi ilə barışmağa çalışırıq. Ancaq indi Rusiya prezidenti (Vladimir) Putin Ukraynanı özünə tabe etmək, onun mədəniyyətini və kimliyini məhv etmək istəyir. Prezident Putin tarixi saxtalaşdırır. Bunu birbaşa demək bizim borcumuzdur”, - Şolts bildirib.
Azadsoz.com
