2032-ci il Avropa çempionatına ev sahibliyi etmək istəyən ölkənin adı bilindi
2032-ci il Avropa çempionatına ev sahibliyi etmək istəyən ölkənin adı bilindi
İtaliya 2032-ci ildə keçiriləcək Avropa çempionatına ev sahibliyi etmək istəyir.
Xəbər verilir ki, İtaliya Futbol Federasiyası turnirə təşkilatçılıq etmək istədikləri barədə UEFA-ya məlumat verib.
Həm 2028, həm də 2032-ci ildə keçiriləcək Avropa çempionatlarını keçirməyə namizəd ölkələrin adları aprelin 5-də açıqlanacaq. Meydan sahibi ilə bağlı yekun qərar isə 2023-cü ilin sentyabrında veriləcək.
Qeyd edək ki, İtaliya daha əvvəl 1968 və 1980-ci illərdəki analoji turnirlərin meydan sahibi olub. Ümumiyyətlə, İtaliyanın sonuncu dəfə keçirdiyi mötəbər turnirdən 32 il keçir. Bu ölkə sonuncu dəfə 1990-cı il dünya çempionatına ev sahibliyi edib.
Xatırladaq ki, 2024-cü ildə Avropa çempionatı Almaniyanın 10 şəhərində keçiriləcək.
Azadsoz.com
