Pula görə 10 doza peyvənd vurdurdu
Pula görə 10 doza peyvənd vurdurdu
Yeni Zelandiya sakini pul müqabilində başqa insanların əvəzinə koronavirusa qarşı peyvənd etdirib.
Xəbər verilir ki, bu barədə “Nyu Zeland Herald” qəzeti məlumat yayıb.
Hazırda hadisə Yeni Zelandiyanın Səhiyyə Nazirliyi tərəfindən araşdırılır. Dələduzluq barədə polisə də məlumat verilib.
Məlumata görə, kişi gün ərzində bir neçə peyvənd mərkəzinə baş çəkib və digər insanların əvəzinə peyvəndin 10 dozasını alıb. Həkimlər onun dərhal xəstəxanaya getməsini və tam müayinədən keçməsini tövsiyə edib.
İmmunlaşdırma Məsləhət Mərkəzinin tibbi direktoru, professor Nikki Turner bir gündə bu qədər peyvənd aldıqdan sonra bədənin necə reaksiya verməsinə dair məlumat olmadığını söyləyib.
Azadsoz.com
