ABŞ Ukraynada Rusiya ilə qarşıdurmadan əl çəkməlidir, çünki bu ölkə Vaşinqtonun maraqları dairəsində deyil.

Xəbər verilir ki, bunu Saşa Qlezer “Biznes İnsayder” nəşri üçün məqaləsində yazıb.

“Bayden amerikalı kişi və qadınları Ukrayna uğrunda döyüşüb ölməyə göndərəcəkmi? Prezident administrasiyasının ritorikası ölkəmizin maraqlarına uyğun deyil və ABŞ-ın Rusiya ilə müharibəyə cəlb olunma riskini xeyli artırır”.

Müəllifin sözlərinə görə, Vaşinqton Kiyevə kvazi-təhlükəsizlik zəmanətləri verməklə yanaşı, nüvə dövləti ilə münaqişəyə səbəb olacaq son dərəcə təhlükəli oyun oynayır. Ukraynanın NATO-ya daxil olması alyansın silahlı qüvvələrini Rusiya sərhədlərinə yaxınlaşdıracaq. Moskva üçün belə bir ssenarinin qarşısını almaq həyati əhəmiyyət kəsb edir və buna nail olmaq üçün əlindən gələni edəcək.

Azadsoz.com