Rusiya şirkətlərinin Qarabağda fəaliyyəti müzakirə olunub
Rusiya şirkətlərinin Qarabağda fəaliyyəti müzakirə olunub
Rusiya şirkətlərinin Azərbaycanın işğaldan azad edilmiş ərazilərində fəaliyyəti, ticarət dövriyyəsinin artırılması, qarşılıqlı sərmayə qoyuluşu məsələləri geniş müzakirə olunub.
Xəbər verilir ki, bu məsələ Rusiya Baş nazirinin müavini Aleksey Overçukun noyabrın 24-də Bakıda Azərbaycan Prezidenti İlham Əliyevin qəbulunda olan zaman müzakirə edilib.
Əminlik ifadə edilib ki, Azərbaycan-Rusiya münasibətləri müxtəlif sahələrdə bundan sonra da uğurla inkişaf edəcək.
Söhbət zamanı Rusiya-Azərbaycan-Ermənistan Baş nazirlərinin müavinlərinin sədrliyi ilə üçtərəfli komissiyanın fəaliyyəti və eləcə də gələcək planlar haqqında fikir mübadiləsi aparılıb. Dövlət başçısı İlham Əliyev bu sahədə göstərdiyi səylərə görə Aleksey Overçuka təşəkkürünü bildirib.
Azadsoz.com
