Belarus-Polşa sərhəd xəttinin qarşısında yüzlərlə miqrant düşərgə qurub.

Xəbər verilir ki, Polşa polisi və sərhədçiləri yüzlərlə miqrantın qarşısını kəsib. Bu səbəbdən də, Yaxın Şərqdən gələn və bir neçə min miqrantın toplandığı Belarus-Polşa sərhədində vəziyyət pisləşib. Polşa tərəfdən atışma səslərinin eşidildiyi haqda məlumatlar yayılıb.

Məlumata görə, aralarında qadın və uşaqların da olduğu Yaxın Şərqdən gələn minlərlə miqrant Belarus-Polşa sərhədini keçmək istəyib. Miqrantlar hasarları sındıraraq tikanlı məftilləri yarmağa cəhd ediblər. Buna cavab olaraq təhlükəsizlik qüvvələri xüsusi texnikadan istifadə ediblər.

Sərhədi keçə bulməyən miqrantlar Belarus-Polşa sərhədində düşərgə qurublar. Polşa hökuməti isə miqrasiya vəziyyəti ilə əlaqədar Belarusla sərhəddə olan Kuznitsa keçid məntəqəsini bağlayıb.

Azadsoz.com