Türk dronlarının “patriarxı” dünyadan köçüb
Türk dronlarının “patriarxı” dünyadan köçüb
İstanbulda Türkiyənin «Baykar» müdafiə şirkətinin sədri Özdəmir Bayraktar vəfat edib.
Döyüş pilotsuz uçan aparatlarının (PUA) proqramlarının əsasını qoyan patriarx ömrünün 72-ci ilində dünyadan köçüb.
Xəbəri «Anadolu» dövlət informasiya agentliyi yayıb.
Baykarın hazırladığı ilk pilotsuz uçan aparatlar Türkiyə SQ tərəfindən hələ 2005-2009-cu illərdə ölkənin cənub-şərqindəki əməliyyatların gedişində hərəkətə gətirilib.
«Anadolu» agentliyinin qeyd etdiyi kimi, Bayraktarın hazırladığı son PUA-lar «Bayraktar TB2» və «AKINÇI» nümunələri olub.
Xatırladaq ki, Türkiyə hakimiyyətinin təsdiqlədiyinə görə, PUA istehsalı üzrə ölkə dünyada 4-cü olub. Özdəmir Bayraktar Selcuk Bayraktarın atasıdır, Səlcuk isə Prezident Ərdoğanın kürəkəni və “Baykar”ın sahibidir.
ALLAH RƏHMƏT ELƏSİN!
Azadsoz.com