Baydendən yeni təyinatlar : Ağ Evdən açıqlama
Baydendən yeni təyinatlar : Ağ Evdən açıqlama
ABŞ prezidenti Cozef Bayden dövlət katibinin silahlara nəzarət-yoxlama və razılaşmalara uyğunluq üzrə köməkçisi, müdafiə nazirinin qurğular və ətraf mühit üzrə köməkçisi də daxil olmaqla, bir sıra əsas vəzifələrə namizədlərin adlarını açıqlayıb.
Xəbər verilir ki, bu barədə Ağ Evdən açıqlama verilib. Açıqlamada qeyd edilir ki, Bayden Mellori Stüartı dövlət katibinin silahlara nəzarət-yoxlama və razılaşmalara uyğunluq üzrə köməkçisi vəzifəsinə namizəd göstərib. Stüart hazırda prezidentin xüsusi köməkçisi və Milli Təhlükəsizlik Şurasında silahlara nəzarət, tərki-silah və yaymama üzrə baş direktordur. Əvvəllər o, “Sandia National Laboratories”də qlobal nüvə təhlükəsizliyi və yaymama üzrə baş menecer olub.
Reyçel Ceykobsonun isə ABŞ müdafiə nazirinin qurğular və ətraf mühit üzrə köməkçisi vəzifəsinə namizəd göstərilməsi təklif olunur. Ceykobson Müdafiə Nazirliyində ətraf mühit, enerji və quraşdırma üzrə baş müşavirin müavini vəzifəsində çalışıb. Müdafiə Nazirliyinə gəlməzdən əvvəl o, beş il Daxili İşlər Nazirliyində və vəhşi təbiət və parklar üzrə nazir köməkçisi vəzifəsini icra edib.
Azadsoz.com
