Ukrayna prezidenti Volodimir Zelenski İsveçrədən Ukrayna ilə bağlı sülh sammiti təşkil etməyi xahiş edib.

Xəbər verilir ki, bunu İsveçrə prezidenti Viola Amherd Berndə keçirdiyi mətbuat konfransında deyib. 
"Zelenski məndən İsveçrənin də yüksək səviyyəli sülh sammiti təşkil etmək istəyib-istəmədiyini soruşdu... və mən konfrans təşkil etməyə hazır olduğumuzu təsdiqlədim", - Amherd deyib.

Daha əvvəl Volodimir Zelenskinin ofisinin rəhbəri Andriy Ermak bildirib ki, Kiyev Ukraynanın “sülh formulu”nu təsdiqləmək üçün sammitlər keçirmək istəyir.

Kiyevin işləyib hazırladığı və təbliğ etdiyi “sülh formulu” Ukraynanın ərazi bütövlüyünün bərpasını, Avro-Atlantik təhlükəsizlik zəmanətlərinin verilməsini və Rusiyaya aid edilən “müharibə cinayətlərinin” araşdırılması üçün xüsusi tribunalın yaradılmasını tələb edir. Volodimir Zelenskinin “sülh formulu” Moskvada reallıqdan tamamilə ayrılmış hesab olunur.
Moskva dəfələrlə danışıqlara hazır olduğunu bildirsə də, Kiyev onlara qanunvericilik səviyyəsində qadağa qoyub. Qərb daim Rusiya Federasiyasını danışıqlara çağırır, Moskva buna hazır olduğunu göstərir, lakin eyni zamanda Qərb Kiyevin dialoqdan daimi imtina etməsinə məhəl qoymur. Daha əvvəl Kreml bəyan edib ki, hazırda Ukraynada vəziyyətin dinc istiqamətə keçməsi üçün heç bir ilkin şərt yoxdur, Rusiya üçün mütləq prioritet xüsusi əməliyyatın məqsədlərinə nail olmaqdır, hazırda bu, yalnız hərbi yolla mümkündür. Kremlin bəyan etdiyi kimi, de-fakto vəziyyət və yeni reallıqlar nəzərə alınarsa, Ukraynada vəziyyət dinc məcraya keçə bilər, Moskvanın bütün tələbləri hamıya məlumdur.

Azadsoz.com