Ərəblər Türkiyə limanlarını satın alır
Ərəblər Türkiyə limanlarını satın alır
Birləşmiş Ərəb Əmirlikləri Türkiyənin əsas limanlarından birində pay almağa hazırlaşır.
Xəbər verilir ki, razılaşmaya əsasən, dövlətə məxsus “AD Ports Group” Türkiyənin İzmir limanını idarə etmək üçün sərmayə qoyacaq.
Pay bölgüsünün hansı şərtlər əsasında aparılacağı hələlik məlum deyil. Türkiyə mətbuatı isə sövdələşmənin ən azı 500 milyon dollar dəyərində olacağını təxmin edir. Türkiyənin suveren fonduna məxsus liman yeni investisiyalara ehtiyacı olan mühüm nəqliyyat mərkəzidir.
Xatırladaq ki, Dubayın dövlət limanları nəhəngi “DP World” bu ilin əvvəlində Türkiyə limanının əksər hissəsini satın alıb.
Eyni zamanda bu ilin may ayında BƏƏ və Türkiyə sərmayə qoymağı asanlaşdıran azad ticarət sazişi imzalayıblar. İyul ayında isə Türkiyə prezidentinin iqtisadiyyatı canlandırmaq məqsədilə Körfəz ölkələrinə səfəri zamanı iki ölkə 50 milyard dollardan çox dəyərində bir sıra sazişlər imzalayıb.
Azadsoz.com