Hindistan 40-a yaxın kanadalı diplomatın oktyabrın 10-dək ölkəni tərk etməsini tələb edib.

Xəbər verilir ki, bu barədə “Faynənşl Tayms” mənbələrə istinadən məlumat yayıb.

“Hindistan hakimiyyəti göstərilən tarixdən sonra qalanları diplomatik toxunulmazlıqdan məhrum etməklə hədələyib”, - mənbə bildirib.

Bildirilir ki, Kanadanın Hindistanda 62 diplomatı var. Hazırda Yeni Dehli 40-a yaxın kanadalı diplomatın ölkədən çıxarılmasını tələb edir. Nə Kanada Xarici İşlər Nazirliyi, nə də Hindistan hökuməti məlumatı şərh edib.

Qeyd edək ki, sentyabr ayında Kanadanın Baş naziri Trudonun Kanadada sikx icmasının liderlərindən birinin qətlində Hindistan kəşfiyyat xidmətlərinin əli ola biləcəyini açıqlamasından sonra iki ölkə arasında münasibətlər pisləşib.

Azadsoz.com