Saakaşvili Qarabağın azad olunmasından yazdı
Saakaşvili Qarabağın azad olunmasından yazdı
Gürcüstanın sabiq prezidenti, hazırda vətənində həbsdə olan Mixeil Saakaşvili “Facebook” səhifəsində qondarma rejimin keçmiş “dövlət naziri”, iş adamı Ruben Vardanyanın Azərbaycan tərəfindən saxlanılmasından bəhs edib.
Xəbər verilir ki, eks-prezident bu barədə deyib:
“Ətrafımızda yaxşı və şər arasında qarşıdurma var. Azərbaycan Rusiyanın Ukraynadakı müharibəsinə fəal dəstək verən milyarder Ruben Vardanyanı, eləcə də qondarma “Abxaziya Respublikası” və “Cənubi Osetiya Respublikası” ilə əlaqələri inkişaf etdirən tanınmamış “DQR”in “xarici işlər naziri” Davit Babayanı və digər separatçıları həbs edib.
Beləliklə, bu gün işğal olunmuş ərazilər Qarabağdakı tərəfdaşlarını itirib, qondarma “Artsax” zərərsizləşdirilib.
Bu gün bizim qarşımızda unikal imkanlar açılır və biz onları əldən versək, gələcək nəsillər bizi bağışlamayacaq... Bu missiya Gürcüstanın ərazi bütövlüyünün sülh yolu ilə bərpası və Avropanın bir hissəsinə çevrilməsidir”.
Azadsoz.com