Türkiyə PUA-ları “Vaqner”in əlinə keçdi
Türkiyə PUA-ları “Vaqner”in əlinə keçdi
Malidə “Vaqner”in nəzarəti altında olan hərbi bazada 3 ədəd “Bayraqdar” PUA-sı görüntülənib.
Xəbər verilir ki, bu barədə “İnsayder” məlumat yayıb.
Nəşr avqustun 30-da Mopti şəhəri yaxınlığındakı Sevara aeroportunda yerləşən hərbi bazanın helikopterdən çəkilən görüntüləri dərc edib. Bildirilib ki, bazada ən azı 3 ədəd “Bayraqdar” PUA-sı var.
Nəşrin “Vaqner”dəki mənbəsi bildirib ki, Sevaradakı hərbi baza yaxın günlərdə Rusiya Müdafiə Nazirliyinə təhvil verilib.
“Çox güman ki, bu, Yevgeni Priqojinin ölümündən sonra baş verib”, - nəşr bildirib.
Qeyd edək ki, ötən ilin dekabrında Mali hökuməti Türkiyədən 2 ədəd “Bayraqdar” PUA-sı aldığını açıqlamışdı.
Azadsoz.com
