Norveçdə “Hans” siklonunun səbəb olduğu daşqınlar və torpaq sürüşmələri nəticəsində azı 3 885 nəfər evlərini tərk etməli olub.

Xəbər verilir ki, bu barədə NTB agentliyi məlumat yayıb.

Ölkənin qərb sahilindəki Ol şəhərini 1 000 nəfər, mərkəzi hissəsindəki Hönefoss şəhərini isə 1 714 nəfər tərk etmək məcburiyyətində qalıb. Təxliyə edilənlərin ümumi sayı hələ dəqiq hesablanmayıb, çünki onların bəziləri artıq evlərinə qayıdıblar.

NTB-nin məlumatına görə, avqustun 10-da 3 min nəfər təxliyə edilib. İctimai Təhlükəsizlik və Fövqəladə Hallara Hazırlıq İdarəsi xilasetmə işləri üçün 12 helikopter ayırıb, onlara polis və Silahlı Qüvvələrin helikopterləri yardım edir.

Azadsoz.com