Ukraynanın cənub vilayətləri rusların dağıdıcı hücumuna məruz qalıb
Ukraynanın cənub vilayətləri rusların dağıdıcı hücumuna məruz qalıb
İyulun 18-nə keçən gecə rus işğalçıları Ukraynanın cənub vilayətlərinə raketlərlə dağıdıcı hücum təşkil ediblər.
Xəbər verilir ki, Ukrayna Silahlı Qüvvələrinin “Cənub” operativ komandanlığının hava hücumundan müdafiə qüvvələri düşmənin bütün raketlərini məhv edib.
“Təəssüf ki, vurulmuş raketlərin parçaları və partlayış dalğası nəticəsində liman infrastrukturu obyektlərinə və bir neçə şəxsi təsərrüfatlara zərər görüb”, – Ukrayna Silahlı Qüvvələri əlavə edib. Bir nəfər yaşlı kişi öz evində yaralanıb və xəstəxanaya yerləşdirilib.
OK əlavə edib ki, Odessa vilayətində İrana məxsus 21 “Şahed-136” kamikadze pilotsuz təyyarəsi dənizdən yaxınlaşarkən, dörd pilotsuz təyyarə isə Nikolayev vilayəti üzərində səmada məhv edilib. Nikolaev bölgəsində bir sənaye obyektinə raket düşüb və yanğın baş verib.
Azadsoz.com