Rusiya xarici işlər nazirinin xüsusi nümayəndəsi İqor Xovayev yaxın vaxtlarda Ermənistana səfər edəcək.

Xəbər verilir ki, bu barədə Rusiya XİN sözçüsü Mariya Zaxarova bildirib.

Onun sözlərinə görə, bu səfər münasibətlərin tənzimlənməsi çərçivəsində Ermənistan və Azərbaycanın yanaşmalarını yaxınlaşdıracaq tədbirlər kontekstində nəzərdən keçirilməlidir:

“Rusiya tərəfi tərəflərin yanaşmalarını yaxınlaşdırmaq üçün səylərini davam etdirəcək. Yaxın vaxtlarda, xüsusən də nazirin Ermənistan və Azərbaycan arasında münasibətlərin normallaşmasına yardım üzrə xüsusi nümayəndəsi İqor Xovayevin regiona səfəri. Üçtərəfli görüşlər də mümkündür".

Xarici İşlər Nazirliyinin nümayəndəsi Vaşinqton danışıqlarında Ermənistan-Azərbaycan prosesində irəliləyişi alqışlayıb. Qeyd edək ki, Ermənistan və Azərbaycanın xarici işlər nazirləri iyunun sonunda ABŞ-da danışıqların bir neçə raundu keçiriblər.

Rusiya regionda gərginliyi azaltmaq üçün Ermənistan və Azərbaycan tərəfləri ilə əlaqə saxlayır. Bu əlaqələr, diplomatın sözlərinə görə, həm siyasi səviyyədə, həm də sülhməramlı kontingent vasitəsilə davam edir.

“Təbii ki, çox şey tərəflərin özündən, siyasi iradəsindən və yarı yolda bir-biri ilə görüşməyə hazır olmasından asılıdır. Biz öz tərəfimizdən bütün lazımi səyləri edirik”, - deyə Zaxarova əmin edib.

Azadsoz.com