Berluskoninin dəfn gün İtaliyada milli matəm elan ediləcək - YENİLƏNİB
Berluskoninin dəfn gün İtaliyada milli matəm elan ediləcək - YENİLƏNİB
İtaliyanın keçmiş baş naziri Silvio Berluskoninin dəfn olunduğu gün İtaliyada milli matəm elan ediləcək.
Xəbər verilir ki, sabiq baş nazirlə vida mərasimi iyunun 14-də Milanda keçiriləcək.
“İyunun 12-dən 14-dək İtaliyanın dövlət qurumlarında və xaricdəki diplomatik nümayəndəliklərinin binalarında bayraqlar yarıya qədər endiriləcək. İyunun 14-də milli matəm elan olunacaq”, - “Adnkronos” agentliyi hökumətdən sitat gətirib.
Milanın Kuriyası dəfn mərasiminin şəhərin Katedralində keçiriləcəyini təsdiqləyib. Mərasimə arxiyepiskop Mario Delpini rəhbərlik edəcək.
Berluskoni iyunun 9-dan müalicə aldığı Milanın San Raffaele xəstəxanasında bu gün 87 yaşında vəfat edib.
Siyasətçi dörd dəfə İtaliyanın baş naziri olub və ötən ilin sentyabrında Senata keçirilən seçkilərdə qalib gəlib.
12:47
İtaliyanın keçmiş baş naziri Silvio Berluskoni vəfat edib.
Xəbər verilir ki, bu barədə İtaliya mətbuatı məlumat yayıb.
Eks-baş nazir Milanda bir müddət öncə yerləşdirildiyi xəstəxanada dünyasını dəyişib.
Sentyabrda onun 87 yaşı tamam olacaqdı.
Azadsoz.com