İran ABŞ-ın sabiq prezidenti Donald Trampı öldürmək istəyir.

Xəbər verilir ki, bu barədə İran İslam İnqilabı Keşikçiləri Korpusunun (SEPAH) Aerokosmik Qüvvələrinin rəhbəri Əmirəli Hacızadə dövlət televiziyasına açıqlqmasında bildirib.

O, SEPAH-ın Qüds Qüvvələrinin sabiq komandiri Qasım Süleymaninin öldürülməsinə görə Trampın öldürülməli olduğunu vurğulayıb.

"İnşallah, biz Trampı öldürməyə çalışırıq. Pompeo (keçmiş dövlət katibi Mayk Pompeo - red.) və əmr verən hərbi komandirlər öldürülməlidir", - Hacızadə deyib.

Hacızadənin məlumatına görə, İran 1650 km mənzilli qanadlı raket hazırlayıb. "Paveh” adlandırılan qanadlı raket ilk dəfə dövlət televiziyasında nümayiş etdirilib

Azadsoz.com