Türkiyədə zəlzələ zamanı ata özünü fəda edərək ailəsini xilas etdi - VİDEO
Türkiyədə zəlzələ zamanı ata özünü fəda edərək ailəsini xilas etdi - VİDEO
Episentri Kahramanmaraşın Pazarcık və Elbistan rayonları olan və Türkiyənin 10 əyalətində 7,7 və 7,6 bal gücündə baş verən zəlzələlərdən sonra xilasetmə işləri davam edir.
Xəbər verilir ki, xilasedicilər ötən gün Kahramanmaraşda 1,5 yaşlı Oğuzhan Mete və anası 30 yaşlı Fatma Yavşanı çox çətinliklə dağıntılar altından sağ çıxarıb.
Fatma Yavşan dağıntılar altında həyatını itirən həyat yoldaşı Əli Yavşanın fədakarlığından danışarkən göz yaşlarını saxlaya bilməyib. O bildirib ki, həyat yoldaşı öz həyatını qurban verərək ailəsini xilas edib.
"Arvadı və körpəsini çarpayının yanına qoyan ata yataq otağındakı şkaf onların üzərinə düşməsin deyə, özünü sipər edib. Lakin dayandığı yerdə divarın dağılması ilə Əli həyatını itirib", - deyə xilasedici Ekrem Özarslan bildirib.
Azadsoz.com
