Çərşənbə axşamı, 19 Mart

Prokurorluq ömürlük məhkum olunan şəxsin bəraət almasına etiraz edib

image

Ömürlük məhkum edilən şəxsin bəraət alması barədə qərardan protest verilib.

Əldə etdiyimiz xəbərə görə, dövlət ittihamçısı ömürlük məhkum olunmuş Aydın Qəhrəmanova bəraət verilməsi ilə bağlı Bakı Apellyasiya Məhkəməsinin qərarının ləğv edilməsini, Aydın Qəhrəmanovun verilmiş ittihamlarla təqsirli bilinərək yenidən məhkum olunmasını tələb edir.

Kassasiya protesti baxılması üçün Ali Məhkəməyə göndərilib.

Xatırladaq ki, 2003-cü ildə Bakıda Aida Yəhyayeva və onun qardaşı qızı Samirə Yəhyayevanın dərmandan zəhərlənərək ölmələri barəsində prokurorluğa məlumat daxil olub.

Faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb. 6 il davam edən istintaqın sonunda onların intihar məqsədi ilə dərman içmədikləri açıqlanıb. Aydın Qəhrəmanov 2013-cü il avqust ayında həbs edilib.

İttihamda göstərilib ki, Astara rayon sakini Qəhrəmanov Aydın Rəhman oğlu qeyri-rəsmi nikahda yaşadığı Aidə Yəhyayeva və onun qardaşı qızı Samirə Yəhyayevanı zəhərləyərək öldürüb. Cinayət törətməyə səbəb isə Aidənin bacısı Nazilə Yəhyayevaya məxsus 4 otaqlı mənzili ələ keçirmək niyyətinə düşməsi olub.

Aydın Qəhrəmanov “Finlepsin” və “Amirtiptilin” dərmanlarını yuxugətirici kimi zərərçəkmiş şəxslərə içirib. Aidə və Samirə Yəhyayeva zəhərlənmədən vəfat ediblər. Aydın Qəhrəmanova Cinayət Məcəlləsinin 120.2.5-ci (tamah məqsədi ilə və ya sifarişlə, habelə zərərçəkmiş şəxsin orqanlarından və ya toxumalarından istifadə etmək məqsədi ilə adam öldürmə) və 120.2.7-ci (iki və ya daha çox şəxsi öldürmə) maddələri ilə ittiham irəli sürülüb.

Bakı Ağır Cinayətlər Məhkəməsinin hökmü ilə Aydın Qəhrəmanov verilmiş ittihamlarla təqsirli bilinərək ömürlük azadlıqdan məhrum edilib.

Aydın Qəhrəmanov 9 il sonra-ötən ilin oktyabr ayında bəraət alaraq azadlığa buraxılıb.

Azadsoz.com

Paylaş:

Digər xəbərlər

Xəbər lenti

image

Zelenski Şoltsla danışdı

  • 15.03.2024 - 09:11