Tayvan Silahlı Qüvvələri son sutka ərzində Çin Xalq Azadlıq Ordusunun 57 təyyarəsi və dörd gəmisinin adaya yaxınlaşmasını qeydə alıb.

Xəbər verilir ki, bu barədə Tayvan Müdafiə Nazirliyi məlumat yayıb.

“Yanvarın 8-i səhər saat 6:00-dan yanvarın 9-u səhər saat 6:00-a qədər Çin Xalq Azadlıq Ordusunun 57 təyyarəsi və 4 gəmisi Tayvan ətrafında müşahidə edilib”, - nazirliyin açıqlamasında bildirilir.

Qeyd olunur ki, adanın hava hücumundan müdafiə zonasına 28 təyyarə, o cümlədən üç BZK-005 pilotsuz təyyarəsi, altı J-11 qırıcısı, iki Su-30, 12 J-16 və iki J-10, iki H-6 strateji bombardmançısı və bir təyyarə daxil olub. Tayvan vəziyyəti izləmək üçün hava və dəniz patrulları göndərib.

Azadsoz.com