Qırğızıstan parlamentinin sədri Nurlan Şakiyev paytaxtın bütün rayonlarının adlarının təcili olaraq qırğız dilinə dəyişdirilməsinə çağırıb.

Xəbər verilirki, o, bu barədə Bişkekdə ölkənin ümumxalq qurultayında çıxışı zamanı bildirib.

“Təcili olaraq Bişkekin bütün rayonlarının adlarının dəyişdirilməsi lazımdır. Qırğızıstanın bəzi yaşayış məntəqələri hələ də başqa dillərdə adlar daşıyır”, – o deyib.

Onun sözlərinə görə, dövlət dilinin inkişafı ilə bağlı planlar hələ tam yerinə yetirilməyib.

Bundan əvvəl analoji təşəbbüslə Qırğızıstan parlamentinin bir neçə digər deputatı da çıxış edib.

Qeyd edək ki, hazırda Bişkekə Leninski, Pervomayski, Oktyabrski və Sverdlovski rayonları daxildir.

Azadsoz.com