“Fənərbağça” Ronaldonu alır? - Klubdan AÇIQLAMA
“Fənərbağça” Ronaldonu alır? - Klubdan AÇIQLAMA
Türkiyənin “Fənərbağça” klubunun İdarə Heyətinin üzvü Səlahəddin Baki “Mançester Yunayted”in hücumçusu Kriştiano Ronaldonun İstanbul klubuna keçə biləcəyi ilə bağlı yayılan iddialara münasibət bildirib.
Xəbər verilir ki, klub rəsmisi bunun həqiqətə uyğun olmadığını bildirib.
“Bu, son zamanlar eşitdiyim ən böyük yalandır” - Baki “Sport Express”ə açıqlamasında qeyd edib.
Qeyd edək ki, Türkiyə mətbuatı 37 yaşlı forvardın Türkiyə klubuna keçə biləcəyini yazıb və “Fənərbağça”nın portuqaliyalının transferi üzərində çalışdığını qeyd edib.
İddialara görə, Ronaldo artıq klubla şəxsi müqavilənin şərtlərini razılaşdırıb. Onun həmyerlisi, “Fənərbağça”nın baş məşqçisi Xorxe Jesus portuqaliyalı ilə şəxsən danışıb. O, futbolçunu transferə razı salıb.
Azadsoz.com
